Thursday, April 7, 2011

Racism in Jordan- to the bones

من كم يوم كنت كالعادة عم بتصفح الفايسبوك و إذ بلاقي مجموعة إسمها:

اذا شماغك مش احمر وناديك مش فيصلي واذا اكلتك مش منسف خذ ملوخياتك وقوطر

هلق ما كتير إنصدمت إذ بعرف من أصدقائي الفلسطينية قديه في شوية ناس من الأردن - السكان الأصليين بيكرهو الفلسطينيين وبيتهموهن/هم بشتى الجرائم والمصايب والخراب وتدني الإقتصاد وقلة الحضارة وقنبلة هيروشيما وتسونامي اليابان وتسرب المفاعل النووي والتغيير المناخي وخسارة البرازيل أمام فرنسا في ال٩٨
يعني مش كتير غريب ٫بس الغريب كان إنو هيدي الهمة العنصرية المشتعلة عن جديد ما صارت كرمال شي عبث بل صارت لأنو الشعب الأردني البطل قرر ينزل بمظاهرات ضد النظام الأردني يلي وصل المواطنة والمواطن الأردني للحضيض سياسيا وإقتصاديا وإجتماعي وكل شي تاني ولك حتى بالفوتبول!
نزل الشعب الأردني البطل وصار قمع من الأجهزة الزمنية وفجأة بادرت بعض الأبواق بالحديث عن المخرب الفلسطيني المحتل الأرض الأردنية وقاعد فيها و أبواق ثانية تطالب بسحب الجنسية من الأردنيين/ات ذو/ات الأصل الفلسطيني!
طبعا كمان هون أول شي بيخطر عبالك إنو هيدا عمل أمني من أجهزة الإستخبارات الأردنية ليحورو ويضيعو الأمور الشي يلي ٩٠٪ وارد بس الصدمة بتجيك لما تشوف إنو المجموعة فيها ما يزيد عن ١٩،٠٠٠ مشترك ومشتركة ومتحمسين./ات وبيفتحوا نقاشات ثقافية مهمة من نوع :
مــا هــوا الــي بــعمــل مســيرات ضــد الاردن بــدي الــعن عـــرضوا
تــــفو
كــويــس أنــو لاميــناكــوا مــن الــشوارع يــا ولاد المــخيمــات يــا خــون بــلادكــوا
خليــنا الكــوا أرض بـعد مــا بعتـــوهــا عــلى الــيهود
ومن نوع الملوخية وريحتها بتعملنا حساسية نسبة للأكلة الفلسطينية الملوخية وهيك إشيا مقززة.
يعني الموضوع ما بدو فلسقة ومش حانفوت بنقاش تاريخ الأردن والخلفيات والحييثيات  هيدا بكل بساطة عمل منظم عنصري ضد الشعب الفلسطيني وحتى المواطنة، المواطن الأردني والأردنية يلي حمن أصول فلسطينية وما ضروري فسر كتير انعرف إنو هيدا تصرف مشين وعنصري ولا يجب السكوت عنه.

بتركّن مع المجموعة لتتصفحوها و تشوفو
عِبر

No comments:

Post a Comment