Friday, March 9, 2012

Crisis- Watch Video


صرلنا من مبارح من لما شفنا هيدا الفيديو وعم نفكر شو الرسالة يلي بدنا نوجهها للعالم يلي حا تقرا تعليقنا وتشوف الفيديو.
ومن مبارح باليل لهلق في نقاش إنو منرسل لهجة تهديدية؟ لهجة تحدي؟ تحذير؟ شجب؟ نواح؟ بكاء؟ تنديد؟ عواطف جياشة وكلمات كبيرة؟
من ثم قررنا نترككم بس مع الفيديو ونشوف شو ردة فعلكم على لبنان الحضاري٫ يلي مبارح قرر يحتفل بعيد الأبجدية يلي نورت العالم.
بلا كثير حكي ولا كثير إشيا ثانية٫ هلق رايحين نشوف القنصل الأثيوبي لنشوف شو فينا نعمل وعم نحكي مع مكتب المحاماة تعولنا لنشوف كيف فينا نقدم دعوة وإذا هيدول الأثنين ما قدمو حلول رح نتأكد شخصيا إنو كل العالم يعرفو مين هيدا المجرم ويتعاقب. 
إذا غيرنا بدو يسكت نحنا مش حا نسكت٫ 
وللشخص المعتدي صاحب الضمير الحي منتمنى تكون عم تقرأ هيدا الشي.

لوحة سيارة المعتدي هي
 "O - 295659"


No comments:

Post a Comment